Vèsyon orijinal ou
Nan lavi , sa konn rive nou fè yon chwa ou byen afiche yon konpòtman ,pandan nou santi nan nou menm, nou pa byen ladan.Paske se pa sa nou vle vre.
Sa rive tou, nou konn vle fè sa sosyete ta renmen wè.
Men konbyen fwa nan lavi pa nou , nou te aji kont nou menm ?
Lè mwen pale de vèsyon orijinal, mwen fè referans ak veritab ou menm. Bèl kreyati ou ye a.
Ou gen lanmou nan ou. Ou gen potansyalite ak kapasite pou fè bon bagay, pou viv yo epi mete yo nan sèvis limanite.
Ou ka toujou renmen moun , men sonje ou pap janm ka yon lòt moun.
Ou se ou menm e wap rete ou menm.
Èske ou satisfè de ou? Èske ou santi ou kite sa ki andedanw manifeste?
Se bèl bagay lè w santi ou lib pou chwazi. Epi tou ou gen pouvwa pou chwazi sa ki pi bon pou ou.Si ou ta gen dout pou fè yon chwa, ou ka toujou pran tan ou, medite avan.
Gen verite , gen solisyon nou konn vle ale byen lwen pou n jwenn yo, pandan se nan nou menm yo ye. Men pa inyore sa, yon lòt moun kapab baw yon konsèy .
Li bon pou bay tèt ou tan, pou pasyan ak ou menm , pou fyè de ou tou.
Si pandan w ap analize lavi w, ou remake ou te fè erè, padone tèt ou. Epi kontinye panse ak fè sa ki pozitif, pandan wap fè efò ki nesesè.
Sa rive w deja,pou panse ak ou menm epi ou souri?
Pou janw bèl , pou janw enpòtan.
Se ak anpil kontantman mwen fè pataj sa ak ou, pou m di w:
Viv vèsyon orijinal ou. Kite veritab ou menm nan manifeste. Yon moun ki sensè ak tèt li
Fabien César
Commentaires
Enregistrer un commentaire